Gipahayag ni Pope Leo XIV nga dili siya usa ka politiko ug wala siya’y tuyo nga makiglalis o makigdebate kang bisan kinsa, lakip na ang administrasyong trump.Sumala pa sa santo papa, iyang gipahayag kini atol sa iyang pakighimamat sa mga tigbalita samtang sakay sa papal plane paingon sa algeria niadtong lunes. Matod niya, “I think that the people who read will be able to draw their own conclusions: I am not a politician, I have no intention of entering into a debate with him. Rather, let us always seek peace and put an end to wars.”Dugang pa niini, iyang giingon nga ang iyang misyon mao ang pagpasabot sa ebanghelyo ug dili ang pag-apil sa politikal nga panaglalis.
Gipasiugda pa niya nga ang mensahe sa ebanghelyo dili angay abusohon ug padayon siyang mosulti batok sa gubat aron mapalambo ang kalinaw ug multilateral dialogue tali sa mga estado.Matod niya, “The message of the church is the message of the gospel, blessed are the peacemakers; i do not see my role as that of a politician,” samtang iyang gipasiugda nga daghan pa kaayo ang nag-antos sa kalibutan.
Sa kasamtangan, ang iyang pahayag nakita nga pagpamatuod sa tindog sa simbahang katolika nga magpabiling naka-focus sa kalinaw ug hustisya imbis nga mosulod sa politikal nga panagbangi.Dugang pa niini, gipasiugda sa santo papa nga ang simbahan magpadayon sa pag-awhag sa dialogue ug pakighinabi tali sa mga nasod aron malikayan ang paglala sa mga panagbangi ug mapalig-on ang kalinaw sa tibuok kalibutan.
