Gidakop sa National Bureau of Investigation (NBI) ang online media personality nga si Franco Mabanta ug upat ka mga kaubanan sa usa ka entrapment operation may kalabotan sa gikaingong extortion ug bribery nga moabot sa ₱350 milyon.
Sumala ni NBI Directo Atty. Melvin Matibag, nakumpiska sa operasyon ang ₱70 milyong cash nga giingong gikan sumala pa kang kanhi House Speaker Martin Romualdez.
Base sa pasiunang imbestigasyon, gikabutyag nga nangayo sumala pa si Mabanta sa maong kantidad ubos sa kondisyon nga dili ipagawas ang usa ka video nga kuno maglambigit kang Romualdez sa giingong anomalya sa mga flood control projects.
Sa pagkakaron, wala pa nagpagawas og opisyal nga pahayag ang kampo ni Romualdez kalabot sa insidente, samtang padayon pa ang imbestigasyon sa mga otoridad aron matino ang tibuok detalye ug posibleng tulubagon sa mga nalambigit.
