Girekomenda sa National Buruea of Investigation (NBI) ang pagpasaka og 3 counts nga grave threat ug usa ka inciting to sedition batok kay Vice President Sara Duterte.
Kini human sa pagpanghulga kuno sa bise ngadto kang Pangulong Ferdinand Marcos Jr., First Lady Liza Marcos, ug kang kanhi House Speaker Martin Romualdez.
Wala gidawat sa NBI ang eksplanasyon sa Bise Presidente nga “conditional” lamang ang maong threat to kill.
Sumala sa NBI, klaro ang konteksto sa iyang pamahayag sa Bise Presidente nga aduna kini intensyon nga seryosong pagpanghulga.
Gawas pa niiini, girekomenda sab sa ahensya ang kasong inciting to sedition nga may kalabotan sa pahayag ni VP Sara Duterte niadtong Oktubre ug Nobyembre 2024 sa usa ka online press briefing, kung asa gisulti niini ang kalagot sa gobyerno ug sa mga opisyal niini.
Sa affidavit sa NBI, gitakda na ang mga nahimong pamahayag sa Bise Presidente nga maoy maka udyok sa pagkadismaya sa gobyerno ug pag-awhag sa publiko nga mokontra ug molaban sa mga awtoridad.
“Tends to incite and stir up… to overthrow the organized government by umlawful means,: sumala pa sa NBI.
Sumala sab sa mga pipila ka miyembro sa House Committee on Justice, mamahimong importante ang ebidensiya na maong affidavit sa impeachment proceedings batok kay VP Sara.
Sa pagkakaron, wala pay opisyal nga pamahayag ang Office of the Vice President batok sa girekomendasyon sa NBI.
