DAVAO CITY – Buot nga i-adapt sa usa ka konsehal sa Davao City ang paspas apan mapahimuslanong proseso sa pagkuha og business permit sa Mandaluyong City sa kauluhang Maynila.
Gikabutyag ni Committee on Trade, Commerce, and Industry chairman ug Davao City 3rd District Councilor Bernie Al-ag atol sa nahitabong pagbisita sa pipila ka myembro sa Davao City Council sa Valenzuela City, ilang nakutlo ang post audit and post compliance sa Valenzuela diin mahatagan ang mga business owner sa ilang permit bisan pa man sa kakuwangon sa mga rekisitos.
Kana aron- mahatagan sila og panahon aron makaproseso ug makasugod na sila dayon sa ilang negosyo. Dugang pa sa konsehal, basehan niini ang ease of doing business diin ang ahensya mismo ang muduol sa mga negosyante sa pag-asikaso sa ilang permit.
Gipunting niini ang pagkamahinungdanon sa digitalization sa tanang mga transaksyon sa panggamhanan alang sa mas paspas nga paghatod sa mga nag-unang panginahanglan sa katawhan.
Migama og ordinansa si Al-ag nga magbansay sa digitalization sa pag-apply og business permit nga gilaumang mapasa ug maaprubahan karong bulana.
Kahinumdumang nakasinati og system glitch ang online portal sa Davao City LGU alang sa mga buot magkuha sa business permit.
Tungod niini, 1% lamang ang nakahigayon sa pagparehistro online ug kasagaran sa mga nagkuha, mano-mano na lang ginaproseso.
via || Bombo LJF
