Gipasiugda ni Atty. Antonio “Audie” Bucoy sa Free Legal Assistance Group (FLAG) nga mas napalig-on ang pagkakasaligan sa video nga naglangkob sa giingong hulga ni Vice President Sara Duterte batok kang Pangulong Ferdinand Marcos Jr., First Lady Liza Marcos, ug kanhi House Speaker Ferdinand Martin Romualdez.
Sumala pa kang Bucoy, ang paggamit mismo sa maong video sa defense team ni VP Sara atol sa impeachment trial maoy iyang giisip nga nakapalig-on sa pagkamatinud-anon sa sulod niini isip ebidensiya. Dugang pa niini, gilantugi sa duha ka panig sa impeachment trial kung mubo nga video clip lamang ba o ang tibuok video nga mokabat og duha ka oras ang angay ipresentar sa korte isip ebidensiya.
Lakip sa padayong gituki sa mga legal expert ang gibug-aton sa maong video isip usa ka ebidensiya sa nagpadayon nga impeachment trial. Sa pagkakaron, padayon nga gibantayan sa publiko ang posibleng epekto sa maong ebidensiya sa dagan sa paglitis batok kang Vice President Sara Duterte.
