Nagpasidaan ang usa ka grupo nga nag-monitor sa flight risks nga posibleng musaka ang hulga sa mga American airline operators sa Middle East, homan gibombahan sa Estados Unidos ang mga nuclear sites sa Iran.
Gawas pa niini, adunay pagpalupad ug missiles ang Israel ug Iran nga gilikayan sa mga airline.
Gumikan niini, daghang mga airlines na ang nagkanselar sa ilahang flight padulong sa Dubai pagkahoman sa security assessment.
Pagkahoman sa usa ka sunod-sunod nga missile attacks sa Iran, temporaryong gi-abrehan sa Israel ang ilahang airspace ug unom ka oras kagahapon aron makauli ang mga turista nga na-stranded gumikan sa kagubot.
Gipahayag usab sa Safe Airspace nga mahimong musamot ang kakuyaw sa mga US Airline operators gumikan sa posibleng pagpanimalos sa Iran batok sa interes sa militar sa Amerika sa rehiyon.
Samtang daghan usab ang nagsuspendi sa flight sa mga apektadong nasud, samtang nagpadayon usab ang mga evacuation flight gikan sa mga silingang nasud.
Una paman ang mga US strikes, gikansela na sa American airlines ang mga flight padulong Qatar ug mga mupadulong sa Dubai.
