DAVAO CITY – Gikondena karon sa kasundalohan ang nahimong lakang sa mga rebeldeng New People’s Army (NPA) human nga gihimo nilang Human shield ang mga bata sa usa ka kapilya sa mga kasundalohan nga migukod kanila atol sa nahitabong engkuwentro kagahapon sa buntag sa New Visayas, Lupon Davao Oriental.
Nasayran kang Lt. Col. Ramon Zagala ang Battalion Commander sa 28th IB sa Philippine Army, milungtad ug usa ka oras ang bakbakan sa lugar tali sa mga tropa sa 28IB ug mga rebeldeng NPA.
Aduna sumala pay mga lama sa dugo nga namatikdan ang kasundalohan butang nga posibleng adunay mga samaran o casualties sa komunistang grupo.
Narekober sab sa encounter site ang 40 ka mga backpacks, medical paraphernalias, pipila ka mga butang ug subersibong dokumento nga nabilin sa mga miikyas nga mga rebelde.
Padayon karon ang gilusad nga hot pursuit operation sa mga kasundalohan.
