Gikuwestyon usab ni Senator Rodante Marcoleta ang liderato sa Blue Ribbon Committee ni Senate President Pro Tempore Panfilo “Ping” Lacson may kalabotan sa padayon nga imbestigasyon sa flood control scam. Gipahayag ni Sen. Marcoleta nga giingon niyang nagahatag og kalisdanan sa proseso sa imbestigasyon ang pipila ka giingong kondisyon ni Lacson isip chairman sa komite sa dili pa ipadayon ang mga pagdungog.
Dugang pa niini, gipunting niya nga dili unta mahimong babag ang kakulang sa pirma sa pipila ka senador sa partial committee report aron mapadayon ang hearing ug mapagawas ang resulta sa imbestigasyon. Gikanayon usab ni Marcoleta nga klaro ang mandato sa komite sa pagtino sa mga responsable sa giingong pagwaldas sa pondo sa gobyerno, apan iyang giingon nga murag lain ang direksyon nga giagian karon sa liderato ni Lacson nga supak sa prinsipyo sa pagsunod sa ebidensya.
Sa kasamtangan, gipahayag usab sa senador ang iyang kabalaka sa giingong kapakyasan sa komite nga ipatawag ang pipila ka mga personalidad nga gitumong sa mga testigo sa miaging pagdungog, nga giingon niyang importante sa pagkompleto sa imbestigasyon.
