Magpatuman karon ang mga kumpanya sa lana og big-time rollback sa presyo sa diesel nga muabot sa P12.94 kada litro sugo karong adlawa, Martes, Abril 28, 2026.
Sumala ka Energy Secretary Sharon Garin, ang bag-ong price adjustment epektibo sugod Abril 28 hangtod Mayo 4, 2026.Tungod sa rollback, gilauman nga mokunhod ang presyo sa diesel gikan sa P75.93 hangtod P101.96 kada litro, depende sa lugar ug brand sa gasoline station. Mas dako sab ang pagnaug sa presyo sa kerosene nga anaa sa P15.71 kada litro.
Bisan pa man, baliktad kini sa mahimong paglihok sa gasolina kon asa adunay dugang presyo, musaka kini og P0.53 kada litro, maong gilauman sab nga muabot sa P79.79 hangtod P104.93 kada litro ang retail price niini.
ahinumdoman sukad niadtong Pebero 28 nga sunod-sunod ang pagsaka sa presyo sa produktong petrolyo tungod sa gubat sa tungang-sidlakan nga maoy naka apekto sa pangkalibotanong suplay sa lana.
