Padayon ang implementasyon sa OPLAN IGMAT (Counterintelligence and Security Operations Against Robbery, Theft and Gun-for-Hire Personalities) sulod sa Area of Responsibility sa Sta. Ana PNP ubos sa pagpanguna ni PMAJ RICHEEN M. LAGNAYO, Station Commander.
Gimugna ang maong operasyon niadtong August 4, 2024 base sa security assessment nga gihimo sa estasyon, nga naglantaw sa mga areas of convergence ug mga lugar nga posibleng mahimong target sa kriminal nga kalihokan.
Ang OPLAN IGMAT nagtinguha sa pagpalig-on sa kampanya batok sa krimen pinaagi sa kombinasyon sa police visibility, kooperasyon sa komunidad, ug suporta sa mga balaod ug ordinansa.
Mga prayoridad sa programa ang gilangkuban sa pagpalig-on sa seguridad sa panimalay ug establisemento pinaagi sa paggamit og lig-on nga kandado, gwardya, grills, CCTV camera, ug alarm systems aron mapugngan ang pagpangawat ug uban pang krimen.
Aktibong partisipasyon sa komunidad, pagtabang sa mga programa sa kapulisan sama sa Oplan RONDA, AWARE, ug HAPSAY aron mapadayon ang kahapsay sa palibot ug mapalig-on ang law enforcement efforts.
Edukasyon ug pagka-alerto sa publiko, mga pagpahimangno batok sa mga modus operandi sa kriminal, ilabi na sa online scams ug salisi schemes. Husto nga pagreport sa krimen pag-awhag sa publiko nga i-report dayon ang mga insidente ngadto sa kapulisan imbes nga ipost lamang sa social media aron dili maapektuhan ang operasyon.
Pagpalambo sa disiplina sa komunidad, pagsunod sa mga lokal nga ordinansa isip paagi sa pagmintina sa kahusay ug kalinaw.
Gibutyag usab ni PMAJ LAGNAYO ang suhestiyon sa pagbutang og CCTV systems nga adunay facial recognition technology sa dagkong establisemento sama sa malls, aron mas mapadali ang pag-identify ug pag-monitor sa mga indibidwal nga adunay criminal records ug posibleng kalambigitan sa krimen.
Gipadayon usab sa PNP Sta. Ana nga ang regular nga pagbisita sa mga negosyo aron makig-istorya sa mga tag-iya, managers, staff, ug security personnel bahin sa ilang mga isyu sa seguridad.
Sa katapusan, gipahimangnuan sa estasyon nga mas epektibo ang proactive nga partisipasyon sa komunidad kaysa reactive nga aksyon, ug nga ang kaluwasan sa usa ka lugar nagdepende sa lig-on nga kooperasyon sa kapulisan ug sa publiko pinaagi sa OPLAN IGMAT.
