Nadakpan sa gilusad nga buy-bust operation sa Philippine National Police-Magsaysay Municipal Police Station ang usa ka 39-anyos nga gidudahang street-level drug personality sa Purok 6, Barangay Dalawinon, Magsaysay, Davao del Sur.
Gipangulohan ni Police Captain Orlando C. Udalve, officer-in-charge sa Magsaysay MPS, lakip sa koordinasyon sa DSPPO PIU, PDEU, ug RMFB 11, ang operasyon nga misangpot sa pagkadakop kang alias “Gie,” nga bag-ong target sa anti-illegal drug campaign.
Nasakmit gikan sa suspek ang mga sachet sa gidudahang shabu nga mokabat sa gibana-banang 1.8 gramos nga adunay balor nga kapin ₱12,000, dugang pa sa marked money nga gigamit sa transaksyon.Sumala pa sa kapulisan, ang nadakpan ug ang mga ebidensya anaa na sa hustong kustodiya samtang gina andam ang kasong isaka batok kaniya.
Dugang pa niini, gipasiugda ni Udalve nga ipadayon sa ilang estasyon ang mas hugot nga kampanya batok sa ilegal nga droga aron masiguro ang kaluwasan ug malinawon nga komunidad sa ilang nasakupan.
