Nakasumite na og komento sa Supreme Court of the Philippines ang House of Representatives Committee on Justice uban sa ubang respondents kalabot sa consolidated petitions nga may kalabotan sa impeachment batok kang VP Sara Duterte.”
Gipadayag nga pinaagi sa Office of the Solicitor General, ilang gihangyo ang Supreme Court of the Philippines nga ibasura ang mga petisyon tungod kay adunay kakulangan ug depekto, ug wala’y igo nga basehan o merito.
Dugang pa niini, gihangyo usab nila nga dili pagbigyan ang bisan unsang petisyon nga nagtinguha og injunctive relief nga mahimong makapahunong sa pagpadayon sa pagdungog sa komite sa mga reklamong impeachment.
Sa kasamtangan, subay sa ilang baruganan, kinahanglan magpadayon ang proseso sa House of Representatives Committee on Justice samtang wala pa’y opisyal nga mando gikan sa Korte Suprema, lakip na ang temporary restraining order, nga makapahunong niini. Sa pagkakaron, ginapaabot pa ang desisyon sa Korte Suprema kon unsa ang ilang mahimong lakang sa maong mga petisyon.
