-- ADVERTISEMENT --
DAVAO CITY – Sigurado na nga masugdan sa mosunod nga tuig ang paghatag og annual financial aid alang sa mga Senior Citizen ning siyudad kini human nga hingpit na kini nga napalabang sa ikatulo ug pinal nga pagbasa.
Nasayran nga kantidad sa P1,500 ang madawat sa mga senior citizen nga nag-edad ug 60 anyos pataas ug miyembro sa Office of the Senior Citizen Affairs (OSCA).
Una ng nasayran sa OSCA nga adunay 240,000 ka mga senior citizen ang natala dinhi sa dakbayan apan 140,000 lamang ang nagpangidaron ug 60 anyos pataas.
Una ng nasayran kang Konsehal Wilberto Al-ag nga kinahanglan adunay kapin kun kulang P300 million nga pundo ang dakbayan alang sa tinuig nga financial aid sa mga tigulang diin kuhaon sumala pa kini sa real property tax.
