Nagpulong si Executive Secretary Ralph Recto ug Chinese Ambassador Jinq Quan niadtong Martes, Abril 14, aron hisgutan ang kinatibuk-ang relasyon tali sa Pilipinas ug Tsina.Sa maong courtesy call, gipasiugda sa embahador ang pagpadayon sa mga dayalogo nga nagtinguha sa pagpalig-on sa bilateral relations sa duha ka nasud.
Nagpahayag usab si Amb. Jinq og paglaum nga mas daghan pang bisita ang mahitabo karong tuiga aron maghatag og positibong signal sa relasyon sa Maynila ug Beijing.Gihisgutan sa miting ang pagpalig-on sa turismo, people-to-people exchanges, ug ang pagdugang sa direkta nga biyahe tali sa mga siyudad sa Pilipinas ug Tsina.
Gitutukan usab ang kooperasyon batok sa transnational crime, ekonomikanhong relasyon, ug ang kasamtangang kahimtang sa enerhiya sa rehiyon.Nahisgutan usab ang papel sa Pilipinas isip ASEAN Chairmanship ug sa Tsina isip APEC host sa tuig 2026, diin parehong mipahayag ang suporta ang duha ka panig sa kalampusan niini nga mga kalihokan.
Gipadayag sa duha ka lider ang ilang tinguha nga magpadayon ang bukas ug konstruktibong komunikasyon aron mas mapalig-on pa ang mutual trust ug kooperasyon tali sa Pilipinas ug Tsina sa umaabot nga mga tuig.Kauban ni ES Recto sa maong pagpulong sila ni SDES Maria Luwalhati Dorotan Tiuseco, Usec. Facundo Palafox IV, ug Usec. Erwin Sta. Ana gikan sa Office of the Executive Secretary, ug mga opisyal sa DFA nga sila ni Usec. Maria Andrelita Austria ug Deputy Assistant Secretary Princess Tomas.
