Gikinahanglan sa gobyerno sa Pilipinas ang kinatibuk-ang P429 bilyon nga crisis fund kon magpadayon pa hangtod katapusan sa tuig ang tensyon sa tungang sidlakan, sumala sa Department of Economy, Planning and Development (DepDev).
Sumala pa, doble kini kumpara sa P238 bilyon nga una nang gipahibalo sa Department of Budget and Management (DBM) isip gikinahanglan nga pondo aron matubag ang epekto sa gubat sa Iran sa ekonomiya sa nasud. Lakip niini, gikanayon ni DepDev Secretary Arsenio Balisacan nga kon magpadayon ang tensyon sa sunod sa unom ka bulan o gikan Hulyo hangtod Disyembre, mas motaas pa ang panginahanglan sa resources ug kinahanglan mangita og paagi ang gobyerno aron kini matubag.
Dugang pa niini, gitumbok sa kalihim ang pag estimar sa Unified Package for Livelihoods, Industry, Food and Transport (UNLIFT) committee nga nagbanabana og P429 bilyon nga pondo alang sa upat ka kritikal nga sektor hangtod sa katapusan sa 2026, lakip na ang agrikultura, transportasyon, enerhiya ug ang sektor sa mga OFWs. Sa kasamtangan,kung mohunong ang krisis hangtud hunyo lamang, giingun usab nga posible kining mokabat sa P205.2 bilyon ang magamit isip emergency funds, subay sa UPLIFT report.
