Gipahayag sa Department of Energy nga ang luwas nga pag-agi sa mga barko sa Strait of Hormuz kabahin sa risk management sa gobyerno.
Sumala ni Energy Secretary Sharon Garin, kini nga lakang makatabang sa pagminus sa risgo sa suplay sa lana.
Gihimo kini taliwala sa tensyon sa Middle East nga nakaapekto sa global oil supply.
Ang Pilipinas nakakuha og kasiguruhan nga makalabay ang mga barko nga may dalang enerhiya. Lakip usab niini ang proteksyon sa mga Pilipinong seafarers.
Bisan paman niini, gibutyag sa DOE nga dili dayon moubos ang presyo sa krudo sa nasod.
Gipasabot sa opisyal nga ang maong kasabutan dili solusyon sa tanang problema sa enerhiya.
Matud ni Garin, ang risk reduction usa ka importante nga benepisyo sa kasamtangang sitwasyon. Ang Pilipinas nagdepende pag-ayo sa imported nga lana gikan sa Middle East. Busa, importante ang padayon nga agi sa maong rutang pandagat aron malikayan ang kakulang sa suplay.Ang Strait of Hormuz usa sa pinakaimportante nga dalan sa pagbiyahe sa lana sa kalibutan.
Nasayran nga anaa sa 20% sa global oil supply moagi sa maong kadagatan, busa dako ang epekto kung adunay problema sa lugar.
Tungod sa nagpadayon nga krisis, naapektuhan ang presyo sa lana ug supply sa daghang nasod. Lakip ang Pilipinas nga nag-atubang og risgo sa kakulang sa enerhiya. Padayon nga nangandam ang gobyerno aron masiguro ang stable nga suplay sa nasod.
