Nagbinayloay og mga tubag sa social media sila Senador Robin Padilla ug Philippine Coast Guard o PCG spokesperson alang sa West Philippine Sea nga si Rear Admiral Jay Tarriela human ipagawas sa China Daily, usa ka state-backed media sa China, ang AI-generated video nga naghulagway sa mga Pilipino isip mga unggoy.
Sumala pa kang Tarriela, iyang gihagit sila ni Padilla ug Senador Alan Peter Cayetano nga mangayo og pampublikong pagpangayo og pasaylo gikan sa China tungod sa maong video, susama sa ilang pagkondena kaniadto sa paggamit og caricature ni Chinese President Xi Jinping.Dugang pa niini, mitubag si Padilla pinaagi sa iyang Facebook post ug giakusahan si Tarriela nga maoy nagsugod sa kontrobersiya ug naghimo kuno og gitawag niyang wartime propaganda.
Gipangutana ni Padilla kung dili ba kaniadto gihulagway usab sa mga puting mananakop ang mga katawhan sa Asya isip mga unggoy, samtang iyang gipasiugda ang koneksyon sa mga Pilipino, Tsino, ug Hapones isip mga Asyano ug Austronesyano.Gisupak usab kini ni Tarriela ug gipatin-aw nga ang transparency initiative sa PCG dili propaganda sa gubat, kondili paagi aron ipakita ang mga insidente sa agresyon ug pagpangharas sa China batok sa mga Pilipinong mangingisda, ingon man sa mga barko sa PCG ug BFAR.
Matod ni Tarriela, ang ilang tahas mao lamang ang pagdokumento sa mga insidente ug dili sila ang hinungdan niini. Gipasiugda sa opisyal nga dili niya dawaton ang paghulagway sa mga Pilipino isip mga unggoy, ug ang tinuod nga pagrespeto sa kaliwat mao ang pagdepensa niini batok sa pagpang-insulto.
Una niini, nagpagawas ang China Daily og PCG ug BFARnga nagpakita og unggoy nga nagsul-ob og barong Tagalog ug salakot, diin gihulagway nga kontrolado kuno sa Estados Unidos ug Japan ang Pilipinas ug gihimo usab og parody ang 2016 Arbitral Award sa West Philippine Sea. Sa pagkakaron, nagpadayon ang pagbinayloay og pahayag sa duha ka opisyal kabahin sa maong isyu.
