DAVAO CITY – Mitanyag karon ug tres sientos mil ka pesos nga reward money si Manay, Davao Oirental municipal Mayor Japhet Quibo alang sa mga makatudlo sa mipatay kang Danilo Lumikid Jr alias “Donnie” niadtong niadtong April 1, 2021.
Gipost ni Quibo ang iyang tanyag nga ganting salapi sa iyang social media account. Tumong niini nga madakpan sa kapulisan sa labing madali nga panahon ang suspect ug ang utok sa nahisgutang krimen.
Sa iyang facebook post, hugtanong gikondena sa opisyal ang nahimong kamatayon sa biktima nga usa sa iyang mga kabanay, higala ug giilang igsuon.
Sumala pa niini, makakurat, mkasusubo ug makadismaya pamanladungon ang gidanagatan sa biktima nga hangtud karon dili lamang gihapon sila makatuo nga kini ang nahitabo.
Dakong kawad-an sumala pa ang kamatayon ni Donnie ngadto sa iyang pamilya ug sa tibuok lungsod sa Manay.
Kahinumduman nga gipatay si Lumikid samtang sakay sa iyang motorsiklo sa Purok 10, Brgy Central, Manay, Davao Oriental niadtong adlaw nga martes sa nakalabay nga semana.
