-- ADVERTISEMENT --
Misupak si Ombudsman Jesus Crispin “Boying” Remulla sa pasangil nga namili ang Office of the Ombudsman sa mga opisyal nga gikasuhan ug giimbestigahan tungod sa giingong anomalya o paglapas sa balaod.
Kini ang tubag ni Remulla sa mga komento ug kritisismo nga ang kasagarang ginapasakaan og kaso mao lamang ang mga opisyal nga kabahin sa minorya sa Senado.
Gipasabot sa Ombudsman nga wala sila magpalabi o magpili sa mga opisyal nga ilang imbestigahan ug pasakaan og kaso.
Matud pa niini, ang tanan nilang imbestigasyon ug mga kaso gibase sa mga ebidensya ug sa balaod, dili sa politikal nga kahimtang o partidong ginasakopan sa mga giimbestigahan.
