Andam ang depensa ni Vice President Sara Duterte sa pagpasabot sa pagtaas sa iyang net worth gikan 2007 hangtod 2025 kung gikinahanglan kini sa impeachment trial.
Sumala ni Atty. Michael Poa, moabot ang panahon nga mahimong ipasabot sa depensa ang mga kausaban sa net worth pinaagi sa mga sunod nga testigo o sa kaugalingon nilang mga ebidensya.
Gipasabot niini nga ang testimonya ni Ombudsman records officer Atty. Karen Batu nakabase lamang sa iyang personal nga kasinatian ug mga naobserbahan sa iyang trabaho.
Matud pa niya, maampingon usab si Batu sa iyang mga pahayag ug giklaro nga dili siya makahatag og konklusyon bahin sa mga maong isyu.
Sa kasamtamtangan, gitun-an na sa depensa kung unsaon pagpasabot ang mga nakasaad sa SALN ni Duterte, apan wala niya gibutyag ang ilang partikular nga estratehiya.
Hangyo usab ni Poa sa publiko nga hulaton ang bahin sa depensa sa pagpresentar sa ilang mga ebidensya, diin ilang mapasabot ang mga detalye may kalabotan sa net worth sa bise presidente.
Gilauman nga motumaw ang dugang nga mga detalye sa pagpresentar sa depensa sa ilang ebidensya.
