DAVAO CITY – Wala masayud ang kadaghanan sa mga nagpuyo daplin sa kadagatan ug kasapaan nga sakop sa Barangay 76-A ning dakbayan nga gidili una ang pagkaligo gumikan sa presensiya sa polio virus sa tubig sa sapa ug dagat sa nahisgutang lugar.
Gikanayon sa 13 anyos nga batan-ong lalaki, nabatasan na nila sa iyang mga higala ug mga silingan ang pagkaligo matag adlaw sa sapa duol sa Bolton bridge bisan ug lubog ug hugaw pa ang tubig.
Apan karon human masuta nga adunay virus ang tubig ug posibling magkasakit sila niini, dili na lamang una sila mangaligo.
Apan, gikanayon usab sa usaka inahan nga taga Brgy. 76-A Bucana, dili gayud nila mapugngan ang ilang mga anak sa pagkaligo sa dagat gumikan kay sila lamang ang pang-lipaton niini.
Hinuon, ilang gipasalig nga bantayan na nila kanunay ang ilang mga anak ilabi na kadtong mga gagmay pa nga dili gayud makaligo sa dagat.
Mibati usab ug kabalaka ang nahisgutang mga residente sa maong barangay sa deklarasyon sa CHO bahin sa polio virus ilabi na nga mga batang gagmay ang nahimutang sa dakong resgo nga mataptan niini.
