Gipahimangnuan sa Colorado Parks and Wildlife ang mga residente sa Colorado, USA nga dili gunitan ang mga rabbit nga daw dunay mga sungay nga mitubo sa ilang mga ulo.
Gumikan ang maong daw sungay nga mitubo sa ulo ug nawong sa rabbit usa ka matang sa viral infection sigon sa mga eksperto nga ginatawag nga cottontail rabbit papillomavirus.
Hinoon, ang maong mananap mamahimong makalingkawas sa higayong maulian na ang rabbit nga nataptan sa maong kagaw, rason wala girekomenda sa mga eksperto nga i-euthanized ang maong hayop.
Hinoon, gipaniguro sab nga ang maong kagaw di makatakod sa laing klase sa mananap sama sa tao, apan mamahimong makatakod sa mga domestic rabbits, ilabi na og ang binuhing rabbit gikulong sa gawas sa balay, dako ang posibilidad nga mataptan sa higayong dunay mahimamat nga ‘wild rabbits’ o di kaha mapaakan og insekto.
Di na sab matud pa bag-o ang maong virus gumikan sukad tuig 1930s, duna nay susamang mga kagaw.
