DAVAO CITY – Hatagan sumala pa og prayoridad ang mga drivers nga mopailalom sa training sa Technical Education and Skills Development Authority (TESDA) sa higayon nga magsugod na ang hiring sa High Priority Bus System (HPBS).
Sumala pa kang HPBS social development program incharge Norman Baloro nga kabahin kini sa saad sa lokal nga panggamhanan nga i-prayoridad ang Public Utility Jeepney (PUJ) drivers ug operators sa pag-hire mga bus drivers alang sa HPBS, nga sugdan sulod sa first half ning kasamtangan nga tuig.
Gitataw ni Baloro nga mohangyo ang lokal nga panggamhanan sa TESDA Central Office nga mutanyag og National Coalition of Certification Centers (NC3) passenger bus training courses sa dakbayan sa Davao, usa sa mga social pension benefits sa siyudad nga gitanyag alang sa mga maapektohan nga PUJ drivers ug operators sa ipatuman nga transport modernization program.
