DAVAO CITY – Dako ang duda sa mga otoridad nga adunay pay laing suspek sa pagkamatay sa katabang nga si Shiela Lagwasay, 29-anyos nga taga Don Marcelino, Davao Occidental kinsa gibilin sa kilid sa kalsada sa Block 20, Lot 44, Deca Homes, Cabantian, Davao City kaniadtong Hunyo 18, 2023 sa suspek ug amo niini nga si Nenita Pagatpatan, 70 anyos ug biyuda.
Matud pa karon ni Buhangin PNP Chief of Police Major Joenel Pederio, kung lantawon ang edad ug kapasidad ni Nenita, posible nga adunay kini kasabwat nga ning kasamtangan, mao sa’y direksyon karon sa ilang imbestigasyon.
Karong adlawa, gikatakdang ipailawom sa otopsiya ang patay’ng lawas sa biktima aron masuta og maayo ang rason sa pagkamatay niini.
Karong adlawa usab, gikatakdang pasakaan og kasong pagpatay si Pagatpatan sa piskalya pinaagi sa inquest proceeding.
