DAVAO CITY – Padayon karon nga nakadawat og daghanang suporta ang mga frontliners gikan sa mga pribadong sektor kini tungod usab sa padayon nila nga pagpaningkamut aron nga batukan ang Corona virus disease (Covid-19).
Kahinumduman nga nanguna ang ride hailing company sa pagpahiram og libreng scooters alang sa Southern Philippines Medical Center (SPMC) frontline health workers nga naapektohan sa suspensiyon sa mass transportation tungod sa gipatuman karon nga enhanced community quarantine (ECQ).
Sumala pa kang Dr. Ricardo Audan, SPMC chief of clinic and Health Emergency Management Bureau (HEMB), nga ang nahisgutan nga mga scooters ang gikan sa GrabWheels nga dakong tabang sa ilang mga frontliners.
Gitataw ni Audan nga sukad gipatuman ang ECQ sa siyudad nahimong lisod ang public transportation nga nakaapekto sa pipila nila ka mga healthcare workers.
Bisan tuod nga adunay libre nga bus, dili sumala pa tanan nga areas maagian niini.
Gikanayong ang 10 scooters adunay gikusgon nga 15 kilometers per hour.
Gawas sa units, kalakip sab sa gihatag ang protective helmets ug chargers.
Gikanayong plano pa sa nahisgutan nga kompanya nga dungagan og unom ang nahisgutan nga scooters.
