DAVAO CITY – Kutob lamang sa bulan sa Nobyembre ang gihatag nga tagal sa lokal nga kagamhanan ug ni Davao City Mayor Inday Sara Duterte-Carpio ngadto sa mga empleyado aron nga magpabakuna.
Kahinumduman nga una ng gibutyag sa Mayor nga dili nila i-renew ang mga job orders ug mga contractual sa higayon nga dili fully vaccinated ang mga nahisgutan sa gitakda nga panahon.
Sa gipagula nga City Government issued Executive Order No. 45, mandato ang tanan nga mga empleyado sa gobyerno nga magpabakuna kalakip na ang plantilla, job order, contract of service ug volunteers for Covid-19.
Kinahanglan sumala pa nga pagsulod sa Nobyembre 30, 2021 fully vaccinated na ang mga nahisgutan. Kalakip sab sa EO nga kinahanglan pangunahan ang maong lakang sa Human Resource Management Office (HRMO) sa pakig-alayon sa Davao City Covid-19 Task Force Vaccination Cluster alang sa scheduling sa vaccination sa tanan nga mga empleyado.
Mandato sab sumala pa ang mga Administrative Officers sa nagkadaiyang various city government offices nga mosumite sa Personnel Benefits and Welfare Division sa HRMO ug listahan sa ilang mga personahe nga ilakip sa vaccination schedule.
Sa higayon nga dili sumala pa makapabakuna ang usa ka empleyado sa gitakda nga petsa, kinahanglan nga mosumite kini ug written explanation sa HRMO.
Ang mga personahe sab nga dili magpabakuna ang mag-atubang ug saction samtang insubordination sab sa mga plantilla.
Gihimo ang nahisgutan nga lakang human nga daghanan sa mga empleyado sa mga nagkadaiyang buhatan sa kagamhanan ang nangatakdan ug covid-19 nga maoy hinungdan nga daghanang opisina ang gipailalom sa granular lockdown.
