DAVAO CITY – Gipahimangnoan ni Davao City Mayor Sara Duterte-Carpio ang mga dabawenyo nga likayan ang paggamit og paboto atol sa pagtagbo sa kapaskohan ug bag-ong tuig aron nga malikayan ang bisan unsa man nga firecracker-related incidents.
Dungan sa pag-abli sa Pasko Fiesta 2019, gi-awhag sa Mayor ang mga Dabawenyos nga kinahanglan ipabilin niini ang pagka-disiplinado ug adunay integridad.
Gipahimangnoan sab niini ang mga Dabawenyos nga ikonsidera sab nga adunay mga indibidwal nga apektado karon sa nagkadaiyang kalamidad.
Kahinumduman nga napabilin karon sa siyudad ang zero-casualties nga adunay kalabotan sa firecrackers kini tungod sa mipatigbabaw nga ordinansa sa dakbayan nga pag-ban sa nahisgutan nga items.
Gi-awhag sab sa Mayor ang publiko nga makighiusa sa pagsaulog sa kapaskohan dinhi sa siyudad nga matapos hangtud sa Disyembre 31.
Gitino sab sa Mayor nga ang espirito sa pasko mao ang paghatag ngadto sa mga nanginahanglan.
Tema karong tuiga sa Pasko Fiesta mao ang Toy Factory tungod nagtuo ang Mayor nga pasko ang alang sa mga bata ug naglaom mga mohatag kini og kalipay sa ilang panagway ingon man sa mga “young at heart”.
