Nadakpan ang usa ka suspetsadong si alyas “Kuting” atol sa usa ka malampusong buy-bust operation nga gipahigayon sa Davao City Police Office (DCPO) ubos sa pagpangulo ni PCol.Peter Bauzon Madria.
Subay sa report sa kapulisan, gilusad ang operasyon sa pagpanguna sa City Drug Enforcement Unit (CDEU) ug City Special Operations Group (CSOG) ubos sa pagdumala ni PMaj. Bernie B. Suaga, uban sa kooperasyon sa Regional Police Drug Enforcement Unit XI (RPDEU XI), 1st ug 2nd City Mobile Force Companies, ug Sta. Ana Police Station.
Nagmalampuson ang operasyon sa Purok 5-B, Isla Verde, Brgy. 23-C, Davao City alas 5:42 sa hapon (Abril 14, 2026.
Narekober gikan sa suspek ang gidudahang shabu nga adunay kantidad nga mokabat sa ₱136,000 base sa standard drug price.
Sumala sa kapulisan ang maong operasyon usa ka lig-on nga pahimangno batok sa padayon nga paggamit sa ilegal nga droga sa siyudad.
Gibutyag usab niini nga ang ilahang padayon nga kampanya batok sa illegal drugs pinaagi sa mas gikausgan nga intelligence ug operational efforts.
Gipahayag sa kapulisan nga ang kalampusan sa operasyon bunga sa lig-on nga koordinasyon sa nagkadaiyang yunit sa kapulisan ug suporta sa komunidad.
Gidasig usab ang publiko nga magpadayon sa pag-report sa mga ilegal nga kalihokan aron mapalig-on pa ang kampanya batok sa droga.
