Napugngan sa United States destroyer ang duha ka oil tankers nga misulay og gawas sa Iran, usa ka adlaw human mahimong epektibo ang blockade sa US military.
Lakip sa gihisgutan, napugos ang maong mga tanker nga mobalik. Ang mga barko gikan sa Chabahar Port sa Gulf of Oman apan gi-radyuhan sa US warship nga mobalik sa ilang gigikanan.Dugang pa niini, sumala sa usa ka US official, ang duha ka tanker kabahin sa unom ka merchant vessels nga, sumala sa United States Central Command, mibalik sa Iranian port sa maong rehiyon.
Sa kasamtangan, giingon usab sa US military nga walay bisan unsang barko ang nakalusot sa blockade sukad kini naipatuman niadtong Lunes. Sumala pa, suportado gihapon sa US ang walay pagpugong nga paglayag sa mga barko nga moagi sa Strait of Hormuz, gawas lamang sa mga barkong gikan o padulong sa Iran.
