Wala na masalbar ang usa ka pamilyahan human kini nabanggaan sa dumptruck pasado alas Sais kagabii sa national highway sa Prk. 1, Piapi, Brgy. Magnaga, Pantukan, Davao de Oro.
Subay sa inisyal nga report sa kapulisan sa Pantukan, giila ang mga biktima nga pamilyang Pacqiao nga nagsakay sa motorsiklo nga gimaneho sa usa ka sundalo nga angkas niini ang buntis nga asawa ug ang 13 anyos nga anak.
Nasayran nga ang mga biktima ang nagpuyo sa taga-Prk. 9, Kawayan, Magnaga, Pantukan.
Sa inisyal nga imbestigasyon sa kapulisan, gilatas sumala pa niini ang ang national highway nga padulong sa Mati, samtang kalit kining nabanggaan sa nag-overtake nga usa ka dump truck hinungdan nga nabanggaan ang mga biktima.
Dali usab nga gitabangan ang mga biktima sa mga residente ug gipangdala pa ang pamilya sa ospital apan wala na kini natabang sa mga Doktor.
Tungod sa kakusog sa pagkabangga, halos dili na mahitsura ang gisakyan nga motor sa mga biktima. Samtang ang drayber sa dumptruck ang anaa na karon sa kostudiya sa kapulisan nga giila nga si Tino 50-anyos nga nagpuyo sa Paquibato Dist., dakbayan sa Davao.
Samtang, sa pagkakaron pandayon ang dugang imbistigasyon. ginapalawman sa mga otoridad ang imbestigasyon sa maong panghitabo.
Nasayran nga dugay na nga gireklamo sa mga residente ug motrista ang nasampit nga dalan tungod sa walay tarong nga suga nga gikan sa Mendoza hantud sa Magnaga tulay.
