DAVAO CITY – Nanawagan ang ahensiya sa Land Transportation Franchising and Regulatory Board (LTFRB) 11 ngadto sa mga PUV operators nga pahimuslan ang mga programa nga gigahin sa kagamhanan alang sa mga drivers nga maapektohan sa transport modernization.
Sumala pa kang Atty. Armand Dioso, regional director sa LTFRB-11, dakong tabang ang Tsuper iskolar programa sa kagamhanan ilalom sa Technical Skills and Development Authority (TESDA) aron nga adunay makat-onan ang mga driver gawas sa ilang pagpamasahero kini aron masiguro nga dili sila makulban ug kaldero sa higayon nga mawad-an ug panginabuhian dungan sa gikatakdang pagpatuman sa transport modernization program.
Gawas sa mga PUV driver, mamahimong sab sumala pa nga maka-avail sa maong programa ang mga kabanay sa mga nahisgutan.
Gawas nga libre ang pagpa-eskwela, hatagan sab sumala pa ang mga nahisgutan ug libre nga allowance.
