Miabot na sa 52 ka barangay ang naapektuhan sa ashfall tungod sa padayon nga pagtaas sa kalihokan sa bulkang mayon, sumala pa sa office of civil defense (OCD) niadtong sabado, mayo 2, 2026.Gipahibalo sa philippine institute of volcanology and seismology (phivolcs) nga sunod-sunod ang paglihok sa bulkan nga maoy hinungdan sa baga nga abo nga mikatag sa nagkalain-laing parte sa albay.nakalapas ang pagbagsak sa lava sa summit sa bulkang mayon bandang alas 4:28 sa hapon, nga nakapahinabog pyroclastic density currents (pdcs), ilabi na sa mi-isi gully sa habagatan-kasadpang bahin sa bungtod.
Miabot og 4 kilometro ang gilay-on sa pdcs, nga giingong pinakadako sukad sa kataposang pagputok sa bulkan.nagpahimangno si phivolcs director dr. teresito bacolcol nga nagpabilin sa alert level 3 ang bulkang mayon, nga nagpasabot og padayon nga magmatic unrest ug posible pa nga mas mosamot ang peligro sa umaabot nga mga adlaw.
Gipasabot usab sa mga otoridad nga likayan gayod sa publiko ang pagsulod sa 6-kilometro nga permanent danger zone (pdz). Gipahimangno usab ang mga residente nga magpabilin sulod sa balay kon naay ashfall, magsul-ob og face mask o panagang sa ilong ug baba, ug tabunan ang pagkaon ug tubig aron malikayan ang kontaminasyon sa abo.
Sa kasamtangan, nagpadayon ang koordinasyon sa office of civil defense, phivolcs, ug mga lokal nga gobyerno aron masiguro ang kaluwasan sa mga apektadong komunidad. Lakip sa mga apektadong lugar anaa sa mga lungsod sa camalig, guinobatan, daraga, ug legazpi city, diin naka-standby na ang mga volunteer ug disaster response teams aron mohatag og tabang sa mga residente. Dugang pa niini, padayon ang pagbantay sa sitwasyon samtang ginaalerto ang publiko nga magpabiling mabinantayon ug mosunod sa mga pahimangno sa mga awtoridad.
