Gipangunahan ni Pangulong Ferdinand Marcos Jr. ang distribusyon sa bugas ilawom sa Local Government Support Fund (LGSF) ug personal nga miturn-over sa ₱33.6 milyon nga Socio-Civic Project Fund (SCPF) financial assistance alang sa mga barangay sa General Santos City ug Sarangani Province atol sa programa sa Lagao Gymnasium sa General Santos City kaganihang buntag.
Ang lokal nga panggamhanan sa General Santos nakadawat og ₱5.2 milyon alang sa 26 ka mga barangay, samtang ang Provincial Government sa Sarangani nakadawat og ₱28.4 milyon alang sa 142 ka mga barangay. diin ang matag barangay makadawat og ₱200,000.
Sa maong okasyon, gipangumusta usab sa Pangulo ang tibuok katawhang Pilipino samtang gisaulog ang Labor Day.
Sa iyang mensahe, gidayeg niini ang mga Filipino workers isip backbone sa Republika ug gipakita pag-usab ang pasalig sa administrasyon sa pagpanalipod sa dignidad sa matag trabahante pinaagi sa mas daghang trabaho, mas lig-on nga proteksyon sa mga mamumuo, ug mas halapad nga oportunidad alang sa kalampusan padulong sa mas malaumon nga “Bagong Pilipinas.”
