Nahimo nang bagyo ang ginabantayan nga Low Pressure Area sa Davao Region.
Sa ulahing impormasyon sa PAG-ASA, as of 2 PM, nahimong nang tropical depression ang LPA ug gitawag nga Bagyong Querubin.
Ulahing nasiplatan ang bagyo sa 215 kilometer East Southeast sa Davao City.
Duna kini gikusgon nga 45 kilometer per hour duol sa sentro ug paghaguros nga mu-abot sa 55 kilometer per hour.
Hinay-hinay nga nagalatas ang bagyo sa South Southwestward nga direksyon.
Nagsuspendi na sab og klase ang tanang lebel sa mga pampubliko ug pribadong eskwelahan sa lokal nga panggamhanan sa Monkayo, Davao De Oro ug sa Island Garden City of Samal kagahapong adlawa, gumikan sa daut nga panahon nga epekto sa Low Pressure Area.
Samtang, giklaro sab sa Civil Aviation Authority of the Philippines (CAAP) Davao nga wala pay cancellation sa mga flights sa Davao International Airport nunot pa man sa namugnang bagyong Querubin nga nakaapekto karon sa Davao Region.
