Opisyal na nga mibuhi sa iyang puwesto si Senate President Pro Tempore Panfilo Lacson isip chairman sa Senate Blue Ribbon Committee nga nag-imbestigar sa maanomalyang mga flood control projects sa nasud.
Gipasabot ni Lacson nga ang desisyon iyang gihimo human makadungog sa mga komentaryo ug pagduha-duha sa pipila niyang kauban sa Senado bahin sa iyang pamuno sa komite.
Matod niya, tungod kay ang mga tagdumala sa mga komite gipili sa ilang mga kauban, ang iyang pagserbisyo magpabilin lang hangtod suportado pa siya sa ubang senador.
Gidugang ni Lacson nga kung daghan na sa iyang mga kauban ang nagpamahayag sa pagkadismaya sa iyang pagpangasiwa, panahon na aron mohatag og lugar sa uban nga mas angay modumala sa mga pagdungog.
Gibutyag sab sa senador nga dili siya mahadlok sa mga kritisismo gikan sa publiko o mga partisanong grupo, apan kung gikan na mismo sa Senado ang mga pagduda, mas maayo na nga mohawa siya.
Bisan pa man sa iyang pagbugi sa pwesto, giingon ni Lacson nga magpadayon gihapon siya sa pakigbatok sa korapsyon ug pagpangabuso sa pondo sa gobyerno alang sa kaayohan sa katawhan.
