DAVAO CITY – Gipasigarbo ni Regional Crime Laboratory Office (RCLO) officer-in-charge Superintendent Georby Manuel nga walay sakop sa kapulisan nga nagpositibo sa ginadili nga droga atol sa gipahigayon nga surprise drug test sa 171 ka mga sakop sa Malita Municipal Police Station (MPS), Public Management Safety Command (PPSC) sa Davao Occidental kagahapong adlawa.
Pagpamatuod sumala pa kini nga seryoso ang kapulisan sa lalawigan sa kampanya batok illegal drugs pinasikad usab sa kamandoan ni Pangulong Rodrigo Duterte.
Una na sab nga nagpasalamat si Chief Inspector Dave Mejia, hepe sa Malita MPS, gumikan kay nag-negatibo ang iyang mga sakop dungan sa pagbutyag nga nagpatuman sab sila ug internal cleansing sa iyang mga sakop aron lamang masiguro nga walay mga hiwi nga personahe sa kapulisan nga ilalom sa iyang pagdumala.
