Pasakaan ug kaso sa National Bureau of Investigation (NBI) og human trafficking ang kanhi Anakalusugan Rep. nga Mike Defensor may kalabotan sa gi-raid nga KTV bar ug Hotel sa Pasig City sa niaging semana.
Sumala kang NBI Director Melvin Matibag, ilakip si Defensor isip respondent sa mga kaso nga ipasaka sa sunod semana sa Inter-Agency Council Against Trafficking sa Department of Justice (DOJ).
Gipakita sa imbestigasyon nga adunay direktang koneksyon ang kanhi kongresista sa establisyemento nga gi-raid bag-ohay lamang, diin nasalbar ang 54 ka mga kababaihan nga biktima sa sexual exploitation.
Gikabutyag sa NBI nga ang maong property 99% gipanag-iyahan sa gobyerno ug ilalom sa Presidential Commission on Good Government (PCGG), apan gi-abangan sa usa ka kompaniya nga giingong adunay kalabotan kang Defensor.
Sumala pa sa ahensya, dul-an 75% sa maong kompanya giangkon sa kanhi magbabalaod, ug adunay koneksyon usab sa ubang kompanya nga na-link sa iyang pamilya.
Kahinumduman nga una nang gisang-at ang reklamo batok sa iyang asawa nga si Julie ug anak nga si Miguel Defensor sa Pasig City Prosecutor’s Office may kalabotan sa sumala pa sex exploitation sa maong mga establisyemento.
