DAVAO CITY – Kapin 900,000 ka mga estudyante sa dul-an 350 public elementary ug secondary schools sa Davao Region ang grabe nga naapektohan sa mga nahitabong linog sa pipila ka bahin sa Mindanao sa milabay nga Oktubre.
Sumala kang Department of Education in Davao Region (Deped-Davao) director Evelyn Fetalvero, kinatibuk-ang 970,549 students gikan sa 344 schools ang apektado human ang linog nga mihatud og grabeng kadaut sa mga tulonghaan.
Subay sa data gikan DepEd-Davao data, ang Davao del Sur ang pinakadaghanang tulonghaan nga apektado nga anaa sa 111, samtang 295 classrooms ang nadaut, ug 207 classrooms ang nakatala ug major damage diin dili na kini mamahimo pa nga ikumpuni.
Nakatala sab ang ahensiya ug laing kadaut sa uban nga school divisions diin sa Davao del Norte adunay 63, Panabo City adunay 56, Davao City adunay 43, Digos City adunay 26, Davao Oriental ug Davao Occidental adunay tig- 15, Tagum City adunay 8, Compostela Valley adunay 6, ug Mati City adunay usa.
Samtang minor damage lamang ang natala sa mga siyudad sa Davao ug Mati.
Hinuon pipila sumala pa sa mga areas ang nakadawat na ug financial assistance gikan sa ilang LGUs.
Nasayran sab kang Fetalvero nga adunay duruha lamang sa Davao del Sur municipalities ang nagsuspende sa ilang klase hangtud Nobyembre 30.
