DAVAO CITY – Mikabat sa 32,372 Home Quarantine Passes ang gipanghatag sa 26 ka mga barangay sa Mati City.
Gikanayong tulo ka mga barangay sa nahisgutan nga lalawigan ang nakadawat na sa ilang HQPs ug daghanan pa nga mga barangay ang hatagan sa mosunod nga mga adlaw. Bugtong usa lamang ka HQP ang gigahin sa matag panimalay bisan pila ang miyembro sa pamilya niini.
Gitino sab sa Mati City nga dili baligya ang HQP ug kinahanglan aduna kini pirma sa barangay captain.
Bugtong usa lamang ka miyembro ang tugutan nga makagawas sa ilang panimalay panahon nga mopalit kini ug pagkaon, tambal ug uban pang panginahanglanon sa pamilya ingon man paglabay sa basura.
Sa mga adunay trabaho, dili na kini kinahanglan ug HQP inay magdala lamang ug company ID ug uban pang proof of employment ngadto sa barangay personnel.
Dili sab sumala pa tugtan nga makagamit sa HQP ang mga Senior citizens, persons with disabilities ug mga buntis gawas lamang kung emerhensiya.
