Nagpakita og pagkamatinuoron ang usa ka Security Guard sa Davao City Civil nga si Nelson Cayetano, sa dihang iyahang giuli ngadto sa tag-iya ang usa ka belt bag nga adunay sulod nga kwarta nga mukabat ang kantidad sa P239,600 diin iyaha kining nakablagan sa entrance sa City Hall niadtong nakalabayng mga adlaw.
Sa walay paglangay, iyaha gilayon nga gi-turn over ang bag ngadto sa usa ka officer nga anaa sa entrance desk.
Human sa 25 minutos, miabot dayon ang tag-iya sa maong kwarta nga giilang si PCpl. Karlo Concha Bacero, nga gikan sa Cotabato City aron nga i-claim ang giuli nga salapi.
Sigon pa sa maong pulis nga ang maong kwarta maoy gamiton alang sa pagpa-surgery sa iyahang anak nga babaye.
Dugang pa, nga iyaha matud pang aksidenteng nabilin ang bag samtang nagakuha kini og larawan sa City Hall.
Inubanan sab kini sa kuha sa CCTV, diin nakompirma gayod nga iyaha kini.
Dako sab ang pasalamat sa maong pulis, diin nagapakita sumala pa sa pagkamatinuoron ug pagkamaayo matud pa ang mga Dabawenyo, partikular na sa nag-uli sa iyahang kawarta nga si Nelso Cayetano nga usa ka security guard.
