Mipasalig ang Davao City LGU nga nakigkoordina na kini sa Davao City Police Office (DCPO) alang sa imbestigasyon sa nahitabong landslide sa Barangay New Carmen ganihang hapon, Mayo 20, 2026.Mipadayag si Harvey Lanticse, Davao City Information Officer, nga pinaagi sa pamahayag anaa na sa lugar ang mga personahe sa CDRRMO, PSSO, CENRO, BDRRMCs, Bureau of Fire Protection (BFP), ug DCPO aron motabang sa rescue, assessment, ug clearing operations.
Gikumpirma nga adunay usa ka namatay ug duha ang naangol tungod sa maong insidente. Sa pagkakaron, padayon pa ang validation ug retrieval operations sa mga otoridad sa apektadong lugar.
Dugang pa niini, gipaniguro sa lokal nga panggamhanan nga gisuportahan na sa City Social Welfare and Development Office ang pamilya sa mga apektado aron matabangan sila sa ilang panginahanglan human sa trahedya.
