Dili moubos sa 37 ka tawo ang nasamdan human sa bag-ong airstrike sa Israel sa southern Lebanon niadtong Mayo 15, samtang nagpadayon ang ikaduhang adlaw sa ceasefire nga gipangulohan sa Washington, D.C.
Sumala sa Israeli military, ilang gitarget ang mga imprastruktura sa Hezbollah sa Tyre ug mga kasikbit nga lugar.
Samtang, gikondena usab sa United Nations humanitarian coordinator sa Lebanon ang padayon nga kapintasan ug giingong kinahanglan gamiton ang diplomasya aron mapugngan ang paggrabe sa krisis.
Subay sa pahayag sa Lebanese health ministry, lakip sa mga nasamdan ang kababayen-an, mga bata ug pipila ka hospital workers human maigo ang mga building duol sa usa ka ospital ug NGO center.
Daghan usab kunong mga residente ang napugos og balhin human madaot ang ilang mga pinuy-anan, ilabi na ang mga displaced families.
Bisan pa man nga adunay ceasefire sukad niadtong Abril 17, nagpadayon gihapon ang panag-away tali sa Israel ug Hezbollah, diin nagbinanggaay ang duha ka bahin sa paglapas sa kasabutan.
Gatusan na usab ka mga tawo ang nakbsan sa kinabuhi sukad nagsugod ang panagbangi.
Padayon usab ang peace talks tali sa duha ka grupo sa US State Department, diin naglaum ang Lebanon nga mapalugway ang ceasefire ug mapahunong ang pagpamomba sa ilang nasud.
Kon walay bag-ong kasabutan, posible nga matapos ang truce karong Domingo.
