Gipangunahan ni Major General Alvin Luzon, Commander sa 10th Infantry o Agila Division, ang ribbon-cutting ug blessing ceremony sa bag-ong emergency room ug gi-renovate nga pasilidad sa 10th Station Hospital sa Camp General Manuel T. Yan Sr. sa Mawab, Davao de Oro kagahapong adlawa {Mayo 15, 2026,} isip kabahin sa ika-unom nga anibersaryo sa ospital.
Nagdala kini sa tema nga “Excellence in Care, Honor in Service: Six Years with Agila Troopers,” nga nagpasabot sa padayon nga pagpalambo sa operasyon ug dedikadong serbisyo medikal alang sa mga sundalo ug ilang mga pamilya.
Gidayeg ni Maj. Gen. Luzon ang mga kalampusan sa ospital ilabi na ang pagdawat niini sa Commanding General, Philippine Army “LIKHA” Streamer Award alang sa tuig 2025 tungod sa kabag-ohan ug kalidad nga serbisyong medikal militar.
Gipasiugda usab sa 10ID ang ilang padayon nga komitment sa pagpalambo sa kapasidad sa military healthcare ug pagsiguro sa operational readiness pinaagi sa pag-upgrade sa mga pasilidad ug serbisyo medikal.
