Patay ang usa ka indibidwal samtang walo ang anggol human sa pag-atake sa King Fahd International Airport sa Dammam, silangang bahin sa Saudi Arabia, sumala sa General Authority of Civil Aviation o GACA, kagahapong adlawa,Oktubre 21, 2026.
Ang mga anggol, kansang kahimtang naglakip sa minor hangtod kritikal, gidala sa mga ospital alang sa tukmang pag-atiman.
Sa samang adlaw, duha ka trabahante ang namatay human ma-intercept sa Saudi air defences ang usa ka drone nga misulay sa pag-atake sa Shaybah oilfield sa Saudi Aramco. Apan, ang nangatagak nga mga tipaka sa drone maoy hinungdan sa ilang pagkamatay ug pagkaangol sa duha pa ka trabahante.
Kabahin kini sa sunod-sunod nga pag-atake sa Saudi Arabia taliwala sa nagkagrabeng panagbangi sa Houthi forces ug sa gobyerno sa Yemen nga gisuportahan sa Saudi Arabia.
Tungod sa nagpadayong hulga, gimandoan sa US State Department ang mga diplomat ug ilang pamilya nga mobiya sa ilang mga misyon sa Saudi Arabia, samtang nagpahimangno usab ang US Embassy sa Riyadh sa posibleng dugang nga mga pag-atake.
