Sayo nga nagsumiter sa formal offer of evidence ang House prosecution panel kaniadtong Martes, Oktubre 20,2026 aron malikayan ang posibleng procedural delays sa pagpadayon sa impeachment trial ni Vice President Sara Duterte sa Nobyembre 9, 2026.
Sumala kang private prosecutor Atty. Lorna Kapunan, wala na nila hulata ang Oktubre 23 nga deadline aron mas sayo makasumiter ang depensa sa ilang komento ug mga pagsupak sa ebidensiya, ug adunay igong panahon ang impeachment court sa pagdesisyon niini.
Ang formal offer of evidence naglakip sa mga dokumento ug uban pang ebidensiya nga gustong ipa-admit sa prosecution kalabot sa nahibiling impeachment article nga unexplained wealth, human giatras ang tulo ka ubang artikulo bahin sa confidential funds, bribery ug grave threats.
Gipahinumdoman usab ni Kapunan nga kinahanglan isumiter sa depensa ang listahan sa ilang mga saksi lima ka adlaw sa dili pa magpadayon ang husay, aron maproseso ang mga subpoena ug makapangandam ang prosecution sa cross-examination.
Bisan pa sa sayong pagsumiter, nagpabilin ang katungod sa depensa sa pagsupak sa ebidensiya, samtang ang impeachment court maoy magbuot kon hain niini ang dawaton sa pagtaral.
