Hustisya karon ang singgit sa mga kabanay ni alyas Arjay, kinsa igo lamang nadamay sa mangilngig nga kamatayon sa duha ka babaye sulod sa boarding house didto sa Prk. Talisay, Zafra Compound, Magugpo East, Tagum City, kagahapon sa kadlawn.
Una nang gikataho nga “mistaken identity” ang hinungdan sa kamatayon ni Arjay human kini nasugatan sa mga kapulisan atol sa ilang operasyon samtang nagdala-dala ug sundang rason nga napusilan ug naigo na hinoon kini og bala nga maoy hinungdan sa iyang hinanaling kamatayon.
Saysay pa sa mga nakakita ug kabanay ni alyas “Arjay”, igo lamang matud pa nitabang si Arjay niadtong higayona sa mangingig nga gidangatan sa duha ka babaye apan kinabuhi na hinoon niini ang nahimong kabaylo.
Alayon niini, nanawagan karon ang pamilya ni Arjay nga matagaan og hustisya ang kamatayon niini hilabi pa sa kamatuoran nga wala una gipaneguro sa mga kapulisan ang identity sa suspek. Tungod niini, daghan karon ang nipadayag og pagka-dismaya sa mga otoridad sa social media.
Naila nga matinabangon ug buotan si “Arjay” sa maong lugar rason nga lisod madawat sa kabanay niini ang hinanali niining pagkawala.
Ning kasamtangan, wala pa nipaguwa og pamahayag ang Tagum City PNP kalabot sa maong insidente.
