DAVAO CITY – Bisan nga layo pa ang 2019 midterm election, padayon nga gihan-ay karon sa mga sakop sa hugpong sa tawong lungsod ang ilang mga kandidato nga magpapili.
Sa kasamtangan, bugtong Mayor ug tulo ka mga konsehal sa ikatulong distrito kalakip na ang mokandiato pagpak-kongresista sa unang distrito ang gipanghinganlan sa partido nga posibleng magpapili.
Una ng gibutyag ni Mayor Inday Sara Duterte-Carpio nga subli kini nga magpapili sa iyang posisyon samtang si Paulo Duterte mokandidato isip kongresista sa unang distrito.
Samtang wala pay napili ang partido kung si kinsa ang ilang mamahimong Vice Mayor, plano sa kasamtangan nga Bise Mayor nga si Bernard Al-ag nga mokandidato sa maong posisyon.
Kahinumduman nga mihulip lamang si Al-ag kang former Vice Mayor Paulo Duterte gumikan sa gikalambigitan nga kontrobersiya.
