Pagalauman ang hugot nga seguridad sa opening ceremony sa Palarong Pambansa 2024 nga mahitabo sa ugmang adlawa, Hulyo 9 ning tuig kasamtangan sa Cebu City Sports Center.
Sumala pa sa Cebu City Police Office kon CCPO nga mamahimong paghugot ang seguridad kon itandi kini sa naandan tungod kay musalmot sila Pangulong Ferdinand ‘Bongbong’ Marcos Jr. ug Vice President Sara Duterte.
Giawhag usab ni Deputy City Director for Administration sa CCPO na si Police Lt. Col. Janette Rafter ang publiko nga dili na magdala og dako nga bag kon mosulod sa Cebu City Sports Center.
Sigon pa ni Rafter nga maghatag ang CCPO og lugar ug route security samtang ang Presidential Security Group ang mosiguro usab sa seguridad sa CCSC.
Dugang pa niini nga adunay ipakatap nga team gikan sa Civil Disturbance Management sa panahong adunay magkasa og kilos-protesta nga mga militante nga grupo.
Matud pa nga tugutan ang mga grupo nga magbuhat og programa apan kinahanglang layo kini sa CCSC.
Nakafull-alert usab gikan pa niadtong Hunyo 30 ang Police Regional Office- Central Visayas isip kabahin sa security preparations alang sa Palarong Pambansa 2024.
Nagakanayon ang PRO 7 nga ning kasamtangan wala usab silay namonitor nga bahad sa posibleng kagubot sa maong dula.
