Gipadayag ni kanhi Ilocos Norte Governor Chavit Singson nga aduna siyay mga ebidensya kalabot sa giingong dinagkong korapsyon sa mga proyekto sa flood control sa ilang probinsya.
Matod ni Singson, napulo lamang sa 551 ka proyekto ang tarong ang pagkatukod, samtang ang uban giingong substandard ug ghost projects.
Dugang pa niya, dili kini ikalimod tungod kay makita sa geotagging nga nabayran na ang maong mga proyekto karong tuiga bisan pa man sa mga iregularidad nga nakit-an niini.
Kauban niini, gikuwestiyon sa kanhing gobernador ang kinatibuk-ang pondo nga mokabat sa upat ka bilyong piso alang sa tibuok probinsya sa Ilocos Norte.
Iyang gisaway ang Office of the Ombudsman tungod sa giingong dili patas nga pagdumala sa mga kaso.
Matod pa ni Singson, kon pasagdan lamang ang iyang mga dokumento, andam siyang moduol sa simbahan o sa ubang mga grupo aron ipadayag ang maong isyu.
Nanawagan usab siya kang kanhi House Speaker Martin Romualdez nga mopahayag na kalabot sa isyu ug dili magpabiling hilom taliwala sa nagkadaiyang kontrobersiya.
