Gipasiugda ni Department of Public Works and Highways Secretary Vince Dizon nga mas sayo unta mangayo ang ahensya og technical assistance gikan sa mga langyaw nga eksperto alang sa dagkong proyekto.
Matud ni Dizon, regular nga nagkuha og foreign consultants ang DPWH tungod sa ilang espesyal nga kahibalo sa pagplano ug pagpatuman sa proyekto.
Gikinahanglan, matud pa niya, ang teknikal nga kahibalo sa mga eksperto aron masiguro nga husto ang disenyo ug implementasyon sa dagkong mga proyekto.
Pinaagi sa assistance, gilauman nga malikayan ang mga sayop sa pagplano ug pagpatuman nga mahimong mosangpot sa pag-usik sa pondo sa gobyerno.
Nagpasabot si Dizon nga ang pagkuha og foreign technical assistance usa sa mga pamaagi aron mapalig-on ang pag-andam ug pagpatuman sa mga proyekto sa DPWH.
Gipangutana ang panginahanglan nga mas sayo pa nga ma-involve ang mga eksperto, ilabina sa mga proyekto nga komplikado ug dako og kantidad.
Samtang, gipasiugda sa kalihukan ang importansya sa husto nga technical planning aron masiguro nga ang mga proyekto lig-on, episyente ug tukma sa panginahanglan.
Sa pagkakaron, padayon ang DPWH sa pagtan-aw sa mga paagi aron mapauswag ang kalidad sa pagplano ug implementasyon sa dagkong proyekto. | VIA BOMBO EROS PAJOTA
